Nis boshatisja e zyrave në Ambasadën e Iranit në Tiranë, shihet tym e flakë brenda objektit - NACIONALE

Nis boshatisja e zyrave në Ambasadën e Iranit në Tiranë, shihet tym e flakë brenda objektit

2 javë më parë

nga NACIONALE

Mediat në Shqipëri raportojnë se ka nisur në ambasadën e Republikës Islamike të Iranit në Tiranë zhvendosja e sendeve të diplomatëve, të cilët priten të largohen nga nga kryeqyteti shqiptar pasi qeveria shkëputi zyrtarisht marrëdhëniet diplomatike mes dy vendeve.

Qeveria shqiptare vendosi një ultimatumin 24 orësh për largim nga vendi. Neës 24 raporton se mbrëmjen e së mërkurës kanë qenë 2 oficerë policie, një i repartit “Shqiponja” dhe tjetri i Forcave të Rendit që janë paraqitur në zyrat e ambasadës.

Të njëjtat burime raportojnë se në ambientet e ambasadës që ndodhet në rrugën “Mustafa Matohiti” është duke ndodhur një aktivitet i çuditshëm. Në rrjet qarkullojnë video se brenda ambasadës janë duke u djegur sende ose dokumente.

Edhe gazetarët që ndodhen atje thonë se në ajër ndihet aroma e tymit të djegur. Nuk dihet saktësisht se ç’po ndodh në godinë, por gjatë ditës ka pasur lëvizje të shumta me policë që janë futur brenda Ambasadës. Në ndërtesë janë futur edhe kamionçina që besohet se po bëjnë të mundur zbrazjen e ambientit.

Lajme të ngjashme