Nënkryetares së Zveçanit i digjen dy lokale, rasti po hetohet nga Policia e Kosovës
Dy lokale janë djegur sot në Zveçan të Kosovës.
Sipas Kohës, këto dy lokale të dejgura ndodhen në qendër të Zveçanit e ngjitur me njëri-tjetrin dhe janë pronë e Natash Tomaniq, nënkryetare e Komunës së Zveçanit.
Policia ka dhënë detaje shtesë për këtë rast.
“Ankuesja femër kosovare ka informuar se persona të panjohur i kanë vënë zjarrin butikut të saj, zjarrfikësit kanë shuar zjarrin. Lidhur me rastin ankuesja dyshon se zjarri i është vënë qëllimshëm nga persona të dyshuar. Sipas ankueses, vlera e dëmit është e lartë. Rasti është duke u hetuar”, thuhet në raportin e Policisë.
