Nënës së Thaçit i përkeqësohet gjendja shëndetësore, s`dihet nëse ish-presidenti do të vijë në Kosovë

Nëna e ish-presidentit të Kosovës, Hashim Thaçi, i është përkeqësuar gjendja shëndetësore.

Burimet e gazetës Nacionale kanë treguar se nëna e ish-presidentit është në gjendje të rendë shëndetësore.

I njëjti burim ka thënë se ajo që disa ditë është shtrirë në spital.

“Është duke u trajtuar intenzivisht në QKUK, pasi që i është rënduar jashtëzakonisht shumë gjendja shëndetësore”, ka thënë burimi.

I njëjti burim ka treguar se ende nuk dihet nëse ish-presidenti Thaçi do të vijë në Kosovë për ta vizituar nënën e tij, pas përkeqësimit të gjendjes së saj.

Ish-presidenti i Kosovës, Hashim Thaçi, gjendet në paraburgim në Hagë nga nëntorit i vitit 2020.

Se bashku në Thaçin në paraburgim janë edhe Kadri Veseli, Rexhep Selimi dhe Jakup Krasniqi.

Gjatë këtyre viteve, ish-krerët e UÇK-së janë përballur me dhimbje të mëdha.

Ish-kryetarit të Kuvendit Kadri Veseli, gjatë qëndrimit në paraburgim në Hagë i kanë vdekur të dy prindërit.