Ndalimi i kravatës së Krasniqit, Lushi paralajmëron Specialen: Shqiptarët s’do të jenë gojëmbyllur

Uk Lushi, ish-ushtarak në UÇK, ka shkruar një shkrim të shkurtër në “X”, ku ka komentuar zhvillimin e fundit në Dhomat e Specializuara.

Lushi ka shkruar në lidhje me ndalimin e kravatës me shqiponjë të Jakup Krasniqit, ish-kryetar i Kuvendit të Kosovës, që akuzohet nga Gjykata Speciale për krime kundër njerëzimit.

Në shkrimin e tij, Lushi ka pasur një krahasim dhe një paralajmërim për Gjykatën Speciale.

“Ndalimi i shqiponjës dykrerëshe e i ngjyrave shqiptare kuq e zi është për shqiptarët si ndalimi i Yllit të Davidit për hebrenjtë. Dhomat e Specializuara do të shndërrohen në institucion nazist, nëse nuk ndërpresin menjëherë ndalimin e simboleve shqiptare. Shqiptarët nuk do të jenë gojëmbyllur” – ka shkruar ai.