“Na e kanë arrestu fotografin”: Shpend Ahmeti thotë se edhe kur xhironin diçka me dron duhej të merrnin leje nga KFOR-i
Ish-kryetari i Prishtinës, Shpend Ahmeti, është shprehur se dronët Bayraktar që janë blerë nga Kosova nuk do të mund të përdoren “pa leje nga KFOR”.
Ai ka treguar se ishte e nevojshme që edhe kur xhironin diçka me dron në komunë “duhej me marrë leje prej KFOR-it dy ditë përpara.”
Ahmeti ka treguar se në një rast kishte ndodhur edhe arrestimi i fotografit të komunës në një koncert në shesh.
“Bajraktari nuk mundet me u përdor pa leje nga KFOR-i.” – u shpreh tutje ai.
Kujtojmë se kryeministri i Kosovës, Albin Kurti, para disa ditësh publikoi edhe fotografi të dronëve në fjalë që ishin blerë nga Republika e Turqisë.
Postimi i plotë:
Kur xhironim diçka me dron/kamerë në komunë duhej me marr leje prej KFOR dy ditë përpara. Kjo për shkak se hapësirën ajrore mbi Kosovë e menaxhon NATO/KFOR. Njëherë na e kanë arrestu edhe fotografin në një koncert në shesh. Bajraktari nuk mundet me u përdor pa leje nga KFOR.
— Shpend Ahmeti (@ShpendA) July 17, 2023
