Miftaraj: Përparim Rama e VV-ja paskan lidhur koalicion për “gllabërimin e 20 hektarëve të Prishtinës”
Ehat Miftaraj, drejtor ekzekutiv në IKD, ka shkruar një status, në të cilin ka komentuar raportimin për shkëmbimin e tokës së dy biznesmenëve dikur klientë të Përparim Ramës, kryetar i Prishtinës.
Një gjë e tillë u bë me edhe me ndihmën e VV-së, e cila e krijoi kourumin në mbledhjen e Asamblesë së Komunës së Prishtinës.
Miftaraj ka shkruar se Rama e VV-ja janë bërë bashkë “për gllabërimin e 20 hektarëve tokë të komunës së Prishtinës” në vlerë mbi 50 milionë euro.
“Perparim Rama dhe LVV paskan lidhur "koalicion për gllabërimin e 20 hektarëve tokë të komunës së Prishtinës" në vlerë mbi 50 milion Euro.
50 milion Euro toke e qytetarëve të Prishtinës, pa konsultim publik adekuat me qytetarët e Prishtinës për qytetarët e Prishtinës.
Aferë korruptive në konflikt interesi, aferë korruptive në dëm të interesit publik dhe në dobi të interesave të ngushta bisnezore dhe partiake.” – shkroi ai.
