Mbahet mbledhje komemorative për fotoreporterin Alban Bujari
Në Bibliotekën Kombëtare në Prishtinë, sot nga ora 12:00, do të mbahet mbledhja komemorative “Alban Bujari, fotoreporteri i së vërtetës” në nderim të veprës dhe jetës së fotoreporterit Alban Bujari.
Në mbledhjen komemorative do të shfaqet dokumentari për Bujarin, “Dokumentuesi i luftës dhe i paqes”.
Fotoreporteri, Alban Bujari, vdiq në mbrëmjen e 27 shkurtit pa i mbushur 55 vjet.
Alban Bujari ishte pjesë e KOHËS. Ai ishte pjesë e grupit të fotoreporterëve kosovarë që kanë përcjellë zhvillimet politike dhe sociale të fundviteve të ‘90-ta.
