Matoshi kërkon distancimin e Listës Serbe nga terrorizmi: Ose le të shpallet organizatë e paligjshme
Halil Matoshi, analist, ka komentuar ngjarjen e fundit në veri, pra sulmin terrorist të serbëve në veri.
Ai ka theksuar në Kanal 10, se nuk ishte i befasuar me prezencën e Milan Radojiçiqit, i dyshuar për vrasjen e Oliver Ivanoviqit dhe i sanksionuar nga ShBA-ja dhe Britania e Madhe, në sulmin terrorist.
Tutje, ai ka vlerësuar se këtë sulm terrorist e përkrah politikisht Lista Serbe.
“Që s’është Radojiçiqi i pranishëm, kjo do të ishte befasi. Mua nuk më ka befasuar fare, sepse komandanti duhet me qenë me njesitën e tij aty. Dhe kjo është shumë logjike, jam i bindur që është aty, jo vetëm për shkak të videos së ministrisë sonë, por edhe të mozaikut logjik që krijohet. Asnjë njësi, dhe kjo ashiqare e quan vetin “Brigada e Veriut” dhe mbështetur politikisht nga Lista Serbe” – tha ai në “Politiko”.
“Do të duhej që Qeveria, Kuveni të ulet të bisedojë me Listën Serbe nëse janë të gatshëm të distancohet nga terrorizmi ose janë dy mënyra e shpalles organizatë e paligjshme të tyre” – shtoi ai.
