"Mashtrim gjatë shitjes së veturës", raportohet për arrestimin e djalit të axhës së deputetit të VV-së

Një person është arrestuar sot, i dyshuar për pjesëmarrje në një rast të mashtrimit me shitblerje të veturave. Sipas burimeve të Sinjalit, i arrestuari është Fatmir Thaqi, djali i axhës së deputetit të VV-së, Halil Thaçi. Arrestimi i tij ka ndodhur pasi një person ka denoncuar Thaqin për dyshime lidhur me mashtrimin në lidhje me shitjen e një veture.

Sipas raportimit të mediumit, autoritetet e kanë shoqëruar Thaqin në stacionin policor, ku është intervistuar nga organet hetimore rreth ngjarjes.

Prokuroria e Shtetit ka caktuar masën e ndalimit për Thaqin, nën dyshimet për kryerjen e veprës penale; 'Mashtrim'.

Arrestimin e personit e ka konfirmuar edhe policia nën dyshimet për "mashtrim të viktimës mashkull kosovar gjatë shitjes së një veture."

“Është arrestuar i dyshuari mashkull kosovar, pasi që muaj më parë kishte mashtruar viktimën mashkull kosovar gjatë shitjes së një veture. Me vendim të prokurorit i dyshuari është dërguar në mbajtje“, thuhet në njoftimin e Policisë.

Nacionale ka tentuar të marrë një deklaratë nga deputeti i VV-së, Halil Thaçi lidhur me ngjarjen, por deri në momentin e publikimit të këtij shkrimi nuk ka kthyer përgjigje.

Lajmi në përditësim...