“Ky është flamuri”, pamjet kur Hashim Thaçi ia tregonte për herë të parë flamurin Blendi Fevziut

Blendi Fevziu është tashmë një veteran i gazetarisë shqiptare. Në një dokumentar të përgatitur për pavarësinë e Kosovës vite më parë, Fevziu kishte arritur të xhironte momente të jashtëzakonshme.

Në dokumentarin e titulluar “Pavaresia e Kosoves 17 shkurt 2008”, tregohen prapaskenat drejt shpalljes së pavarësisë së Kosovës.

Në minutën e 30-të, është një skenë e bukur, kur Hashim Thaçi, ish-kryeministri që lexoi Deklaratën e Pavarësisë, ia tregon flamurin gazetarit Fevziu.

“Ky është flamuri” – dëgjohet tek flet ish-kryeministri Thaçi, i cili aktualisht gjendet në Hagë si i paraburgosur nga Gjykata Speciale.