Kuvendi e miraton në lexim të dytë Projektligjin për financimin e subjekteve politike
Kuvendi i Kosovës e ka miratuar më 64 vota në lexim të dytë Projektligjin për financimin e subjekteve politike.
Pro projektligjit ka votuar mazhoranca dhe deputetët e AAK-së.
Në seancën e sotme të Kuvendit, u miratua edhe Projektligji për ndryshimin dhe plotësimin e ligjeve që kanë të bëjnë me racioanlizimin dhe vendosjen e vijave llogaridhënëse të Agjencive të Pavarura.
Veç kësaj, është votuar edhe Projektligji për ndryshimin dhe plotësimin e Ligjit për Inspektoratin Shëndetësor, Projektligji për Inspektoratin sanitar të Kosovës dhe Projektligji për të Drejtën Ndërkombëtare Private.
