Kusari-Lila e quan “pa kredibilitet” kritikën e BE’së për shpërbërjen e Ekipit Menaxhues

Kosova e ka shkelur “germën dhe frymën” e marrëveshjeve të dialogut, ka deklaruar dje Bashkimi Evropian, pas vendimit për shpërbërjen e Ekipit Menaxhues për draftimin e një statuti fillestar për Asociacionin e Komunave të banuara me shumicë serbe nga Qeveria e Kosovës. Por, kjo gjë s’e ka lënë indiferente shefen e Grupit Parlamentar të Lëvizjes Vetëvendosje, Mimoza Kusari, e cila deklaratën e BE’së e quajti "pa kredibilitet".

Kusari Lila për e quan deklarimin e BE’së pa kredibilitet ngase thotë se është dashur të reagojë edhe ndaj Ekipit Menaxhues për hartimin e një drafti anti-kushtetues dhe kundr parimeve të Bashkimit Evropian. “Kjo deklaratë do të kishte pasur pak kredibilitet, nëse BE do të kishte kritikuar Ekipin Menaxhues për propozimin e draftit anti-kushtetues, në kundërshti me parimet që BE ka konfirmuar. Është e detyrueshme për suksesin e procesit që BE t’u qëndrojë parimeve të saj”, ka shkruar Mimoza Kusari.