Kurti: Tashmë kemi zvogëluar për 25% praninë e Policisë në tri ndërtesat komunale në veri; Po shtrojmë rrugën edhe për zgjedhje të parakohshme
Kryeministri i Kosovës, Albin Kurti, e ka bërë një postim në profilin e tij në Twitter në lidhje me marrëveshjen për hapat e parë për shtensionim që u arrit më 10 korrik.
Kurti ka shkruar se Kosova tashmë po e zbaton në mirëbesim marrëveshjen për de-eskalim të arritur në Bratisllavë.
“Deri javën e kaluar, ne kemi reduktuar praninë e Policisë së Kosovës për 25 për qind në tri ndërtesat komunale veriore. Tash po shtrojmë rrugën për zgjedhje të parakohshme,” – është shprehur kryeministri i vendit.
Ai kishte deklaruar më herët në Kuvendin e Kosovës se qeveria kishte treguar gatishmërinë për paqe dhe stabilitet.
Kujtojmë se nesër është paraparë një takim i emisarit të BE-së Lajçak me kryenegociatorin e Kosovës dhe atë të Serbisë në Bruksel.
Kujtojmë se z. Kurti po e vazhdon qëndrimin e tij në Greqi në kuadër të simpoziumit Symi.
Postimi i plotë:
As of last week, we've reduced the presence of @Kosovo_Police by 25% in the 3 northern municipal buildings. Now we are starting to pave the way for early elections. 🇽🇰 is already implementing in good faith the arrangement with the EU/EUSR on de-escalation reached in Bratislava.
— Albin Kurti (@albinkurti) July 18, 2023
