Kurti shkon në Gjilan për ta dëgjuar Alban Hysenin duke raportuar për punën një-vjeçare
Kryeministri Albin Kurti nuk duket të ketë ndonjë strategji për shtensionimin e situatës në veri apo kthimin e zyrtarëve të dorëhequr serbë në institucionet e vendit. Por, ai si duket nuk do të mungojë në një ngjarje që nuk ka ndonjë rëndësi.
Sipas Armend Musajt, Kurti do të udhëtojë për në komunën e Gjilanit për ta dëgjuar Alban Hysenin në raportimin e punës një-vjeçare të tij.
Para një viti, Hyseni ishte zgjedhur kryetar i komunës së Gjilanit duke e mposhtur Lutfi Hazirin e LDK-së.
Kurti më herët foli në një konferencë të jashtëzakonshme për krizën në veri të vendit, duke thënë që po e priste KFOR-in t’i hiqte barrikadat.
Ministri Sveçla që ishte po ashtu pjesëmarrës me Kurtin tha se janë gjashtë barrikada aktualisht në veri.
