Kurti nesër do të marrë pjesë në zbulimin e shtatores së veprimtarit Adem Demaçi në Podujevë
Kryeministri i Kosovës, Albin Kurti pritet të marrë pjesë nesër në zbulimin e shtatores së veprimtarit Adem Demaçi.
Shtatorja e veprimtarit Adem Demaçi pritet të zbulohet nesër në Podujevë, në ora 13:00.
Kjo shtatore të zbulohet në prag të 111 vjetorit të shpalljes së pavarësisë së Shqipërisë, Ditës së Flamurit.
“Kryeministri i Republikës së Kosovës, Albin Kurti do të marrë pjesë në zbulimin e shtatores së veprimtarit Adem Demaçi në Sheshin e Qytetit në Podujevë, nesër në orën 13:00, në prag të 111-vjetorit të shpalljes së pavarësisë së Shqipërisë, Ditës së Flamurit. Ftojmë të gjithë qytetarët që të na bashkëngjiten në këtë ngjarje.” – thuhet në njoftimin e Qeverisë së Kosovës.
