Kurti i shtron darkë Ashton-it: Rolet i kemi ndryshe me të para 10 viteve, por përballemi me shumë çështje të njëjta
“Ndonëse rolet tona janë ndryshe sot me ç’ishin para dhjetë vite, përballemi me shumë prej çështjeve të njëjta”, ka shkruar Kryeministri i Kosovës, Albin Kurti pas takimit me baroneshën Catherine Ashton, ku njoftoi edhe se kanë darkuar mbrëmë në periferi të Prishtinës.
Kurti njoftoi se me Ashton kanë diskutuar për çështjet politike, evropiane dhe rajonale.
“Dje shtrova darkë në periferi të Prishtinës për ish-Përfaqësuesen e Lartë të Bashkimit Evropian, Baroneshën Ashton, me të cilën folën për çështjet politike, evropiane dhe rajonale. Ndonëse rolet tona janë ndryshe sot me ç’ishin para dhjetë vite, përballemi me shumë prej çështjeve të njëjta”, ka shkruar Kurti në rrjetin ish-Twitter.
I hosted a dinner last night on the outskirts of Prishtina for former EU HR/VP Baroness Ashton, with whom I discussed politics and European and regional affairs. Although our roles are different today compared to ten years ago, we face many of the same issues. pic.twitter.com/BmBl5YRxeE
— Albin Kurti (@albinkurti) September 16, 2023
