Anulohet mbledhja e dy qeverive, Elvis Hoxhës i shkon huq ironia
Kryeministri i Shqipërisë, Edi Rama, me anë të një konferencë të jashtëzakonshme për media ka konfirmuar se është anuluar mbledhja e përbashkët mes dy qeverive, asaj të Kosovës e Shqipërisë, takim i planifikuar të mbahej nesër në Gjakovë.
Në lidhje me ketë ka reaguar ideologu i Lëvizjes Vetëvendosje, Elvis Hoxha.
Ndonëse Rama tha se kishte kërkuar një format tjetër të takimit, dhe se Kurti e anuloi mbledhjen, Hoxha ka shkruar një status ironik në lidhje me anulimin.
Kështu që, nuk dihet saktësisht se cilin kryeministër e "godet" ironia e Hoxhës.
“Ka nga ata që i këpusin petalet e lules me pyetjen:
t'shkoj, mos shkoj
t'shkoj, mos shkoj
t'shkoj, mos shkoj”, ka shkruar Hoxha.
