Krasniqi për Ditën e Çlirimit të Prishtinës: 10, 11 dhe 12 qershori, Kosovën e ndërlidhin historikisht si asnjë datë tjetër
Kryetari i PDK-së, Memli Krasniqi, ka uruar Ditën e Çlirimit të Prishtinës.
Me rastin e 24 vjetorit të çlirimit të Prishtinës, Krasniqi ka ndëruar të gjithë “luftëtarët, veprimtarët, intelektualët dhe martirët ndër breza, të cilët, u bën urë e dritë për këtë ditë”
“Sot, është obligimi ynë, si shtet e popull, që duke kujtuar e nderuar të kaluarën, të ndërtojmë një vend të zhvilluar - ku secili mund të projektoj një të ardhme të dinjitetshme e prosperuese.” – ka shkruar ndër të tjera Krasniqi në Facebook.
Shkrimi i tij:
Urime Dita e Çlirimit, Prishtinë!
10, 11 dhe 12 qershori, Kosovën e ndërlidhin historikisht si asnjë datë tjetër.
Betimi i burrave të kombit, me 10 qershor 1878, në Prizren, shndërrohet në amanet që do të përcillet brez pas brezi, për t’u përmbushur saktësisht 121 vite më vonë - në Prishtinë!
Me 10 qershor 1999 Serbia gjunjëzohet!
Me 11 qershor 1999 Prishtina çlirohet!
Me 12 qershor 1999 liria vjen në Kosovë!
121 vite sakrificë, dhembje, luftë e përpjekje për liri - pa humbur asnjëherë fokusin nga qëllimi final - çlirimi dhe pavarësia e Kosovës.
Sot, nderojmë të gjithë luftëtarët, veprimtarët, intelektualët dhe martirët ndër breza, të cilët, u bën urë e dritë për këtë ditë.
Nderojmë dëshmorët dhe martirët e Prishtinës!
Sot, përulemi para vetëmohimit të pjestarëve të Ushtrisë Çlirimtare të Kosovës, posaçërisht dëshmorëve, të cilët besuan në idealin e luftës së tyre, edhe atëherë kur pak kush kishte më shpresa.
Sot, është obligimi ynë, si shtet e popull, që duke kujtuar e nderuar të kaluarën, të ndërtojmë një vend të zhvilluar - ku secili mund të projektoj një të ardhme të dinjitetshme e prosperuese.
E përjetshme qoftë Kosova!
