Konjufca bashkë me disa deputetë marrin pjesë në ceremoninë lamtumirëse për Ismail Kadarenë

Sot do të mbahet ceremonia shtetërore e varrimit të shkrimtarit të madh shqiptar, Ismail Kadare.

Në këtë ceremoni pritet të marrë pjesë edhe kryetari i Kuvendit të Kosovës, Glauk Konjufca.

Sipas njoftimit, Konjufca bashkë me disa deputetë do të bëjë homazhe në ceremoninë lamtumirëse që mbahet në Tiranë.

“Kryetari i Kuvendit të Republikës së Kosovës, Glauk Konjufca, shoqëruar nga deputetë të Kuvendit, nesër, më 3 korrik, do të bëjë homazhe dhe do të marrë pjesë në ceremoninë shtetërore të Lamtumirës, që organizohen në Tiranë në nderim të personalitetit të shquar të letrave shqipe, Ismail Kadare”, thuhet në njoftim.