Kongresisti amerikan Torres për gjendjen në veri: SHBA-ja duhet të jetë me Kosovën
Kongresisti amerikan, Ritchie Torres ka reaguar sot rreth zhvillimeve të fundit në veri dhe lëndimit të 25 pjesëtarëve të KFOR-it në Zveçan nga protestuesit e dhunshëm.
Torres në një postim në Tëitter thotë se SHBA-të duhet të qëndrojnë me Kosovën, ndërkaq që pyet pse sekretari Antony Blinken po e dënon në mënyrë të njëanshme Kosovën, aleate të ngushtë ndërkohë që hesht për provokimet e Serbisë, aleate e Rusisë?
“25 paqeruajtës të NATO-s janë plagosur nga përfaqësuesit e qeverisë serbe. Pse Sekretari Blinken po e dënon në mënyrë të njëanshme Kosovën, aleate të ngushtë të SHBA-së, ndërkohë që hesht për provokimet e Serbisë, aleate e ngushtë e Rusisë?. SHBA duhet të qëndrojë me Kosovën”, shkruan kongresisti Torres.
Ndryshe, situata në veri të Kosovës edhe të hënën ishte e tensionuar, pas vendosjes së kryetarëve të rinj shqiptarë në objektet komunale të Zveçanit, Zubin Potokut dhe Leposaviqit.
25 NATO peacekeepers have been injured by proxies for the Serbian government.
— Ritchie Torres (@RitchieTorres) May 30, 2023
Why is Secretary Blinken one-sidedly condemning Kosovo, a close ally of the US, while remaining silent about the provocations of Serbia, a close ally of Russia?
The US should stand with Kosovo 🇽🇰.
