Konfirmohet prania e mbetjeve mortore në lokacionin e tretë në Zubin Potok
Policia e Kosovës ka konfirmuar është konfirmuar prania e mbetjeve mortore në lokacionin e tretë të dyshuar lidhur me rastin e krimeve të luftës në Zubin Potok.
Në një komunikatë për media, policia ka bërë me dije se po zhvillohen ekzaminimet dhe procedurat e nevojshme hetimore, në koordinim me Prokurorinë Speciale.
“Prokuroria Speciale e Republikës së Kosovës, në bashkëpunim me Policinë e Kosovës, në kuadër të veprimeve hetimore që janë duke u zhvilluar lidhur me rastin e krimeve të luftës në Zubin Potok, njofton se gjatë vazhdimit të veprimeve në terren është identifikuar dhe është konfirmuar prania e mbetjeve mortore edhe në lokacionin e tretë të dyshuar.
Në këtë lokacion janë duke u zhvilluar ekzaminimet dhe procedurat e nevojshme hetimore, në koordinim të plotë ndërmjet Prokurorisë Speciale dhe Policisë së Kosovës, dhe insitucioneve të tjera kompetente, me qëllim zbardhjes së të gjitha rrethanave”, thuhet në komunikatë.
