Komanda Qendrore e ShBA-së thotë se kanë filluar sulme kundër Iranit
Ushtria amerikane ka nisur një varg sulmesh kundër Iranit, tha Komanda Qendrore e ShBA-së në një shkrim në rrjetin X të martën.
Në njoftim thuhet se këto sulme janë kundërpërgjigje ndaj atyre që i quajti sulme iraniane ndaj tri anijeve tregtare që ishin duke kaluar transit nëpër Ngushticën e Hormuzit, raporton agjencia e lajmeve “Reuters”.
“Forcat e Komandës Qendrore kanë filluar kryerjen e një vargu të sulmeve të fuqishme kundër Iranit për t’i shkaktuar kosto të larta për shënjestrimin dhe sulmin ndaj lundrimit tregtar” – thuhet në deklaratë.
“Agresioni i dëshmuar i Iranit ishte i pajustifikuar, i rrezikshëm dhe shkelje e qartë e armëpushimit” – thuhet më tej.
Ishte e paqartë se çfarë kanë vënë në shënjestër forcat amerikane, por mediat iraniane thanë se gjashtë predha e goditën zonën Taheroui në jug të Iranit.
Kjo është hera e parë e njohur që forcat amerikane kryejnë sulme kundër Iranit që nga fundi i muajit të kaluar, kur për disa ditë pati sulme e kundërsulme mes dy palëve.
U.S. Central Command forces have begun launching a series of powerful strikes against Iran to impose heavy costs for targeting and attacking commercial shipping crewed by innocent civilians in an international waterway. The U.S. strikes are in response to Iranian attacks on three…
— U.S. Central Command (@CENTCOM) July 7, 2026
