Kina fillon ushtrime masive ushtarake me municion të vërtetë afër Tajvanit
Mediet shtetërore kineze po raportojnë se ushtria e Kinës është duke kryer ushtrime me artileri me rreze të gjatë në Ngushticën e Tajvanit, duke theksuar se “rezultatet e pritura janë arritur”.
Agjencia “Reuters” raportoi se rreth dhjetë anije të forcave detare kineze e kaluan vijën e mesit të Ngushticës së Tajvanit të enjten në mëngjes.
Linja e mesit është vijë joformale që e ndan Tajvanin nga territori kryesor i Kinës.
Tajvani ka aktivizuar sisteme raketore për ta përcjellë aktivitetin e forcave ajrore kineze afër mijës së mesit, ndërsa edhe anijet mbeten afër për t’i vëzhguar aktivitetet e forcave detare kineze, tha një burim që refuzoi të identifikohej.
