Kërkoi falje të Jasharët, avokati Stojkoviq: BIA më ndaloi për katër orë, tash jam i lirë

Çedomir Stojkoviq, avokat i Nikolla Sanduloviqit, politikan serb, ka shkruar një status në të cilin ka njoftuar se shërbimi sekret serb (BIA) e ka ndaluar për katër orë.

Ai ka shkruar se tash është i lirë të lëvizë.

Tutje, ai ka shkruar se lirimi i tij nuk është rezultat i vullnetit të autoriteteve.

“Pasi u ndalova për 4 orë nga anëtarët e Agjencisë së Sigurisë Informative të Serbisë, më lejuan të lëviz lirisht.

Lirimi im nuk është rezultat i vullnetit të autoriteteve. Jam liruar për shkak të vetëdijes së autoriteteve se nëse më arrestojnë edhe unë, presioni i publikut botëror do të jetë shumë i madh.” – shkroi ai, ndër të tjera.