KEK: Njësia A4 e TC Kosova A rikthehet në operim

Korporata Energjetike e Kosovës ka njoftuar rikthimin në operim të Njësisë A4 të Termocentralit Kosova A.

Rikthimi erdhi pas përfundimit të punimeve të riparimit në sistemin gypor të kaldajës.

Startimi u realizua në orët e hershme të mëngjesit, sipas njoftimit, në përputhje me standardet teknike dhe të sigurisë.

Procesi i sinkronizimit u përfundua rreth orës 09:00.

KEK falënderoi ekipet e mirëmbajtjes mekanike dhe elektrike për "profesionalizmin, përkushtimin dhe gatishmërinë e treguar gjatë gjithë procesit të sanimit".

Korporata theksoi se këto angazhime dëshmojnë përkushtimin për stabilitet dhe besueshmëri në prodhimin e energjisë elektrike.