Kaluan të maskuar nëpër sheshet e Prishtinës, 10 persona gjobiten për prishje të qetësisë publike

Dhjetë persona të maskuar kanë parakaluar nëpër sheshet qendrore të Prishtinës e më pas janë shoqëruar në stacionin policor.

Pamjet që ka siguruar Lajmi.net, personat shihen të maskuar me të zezë dhe të shoqëruar me disa qen.

Lajmin për lajmi.net e ka konfirmuar zëdhënësja e policisë për rajonin e Prishtinës, Flora Ahmeti.

“Sot rreth orës 18:00, në shesh në Prishtinë, policia ka ndalur dhe shoqëruar në stacion policor 10 persona. Personat në fjalë të cilët me vete kishin dy qenë, kanë parakaluar në sheshet e Prishtinës të maskuar duke ju shkaktuar shqetësim qytetarëve që ishin prezent në atë zonë”, është shprehur Ahmeti.

Sipas Ahmetit, personat në fjalë, pas intervistimit në koordinim me prokurorin e shtetit, janë liruar, dhe ndaj tyre janë shqiptuar gjoba për prishje të rendit dhe qetësisë publike