Javën e ardhshme varrosen 50 viktima të Gjenocidit të Srebrenicës

Autoritetet boshnjake i kanë përfunduar përgatitjet për varrosjen e 50 viktimave të identifikuara të Gjenocidit të Srebrenicës në 27-vjetorin e masakrës më të rëndë në Evropë që nga Lufta e Dytë Botërore.

Mijëra vizitorë nga shtete të ndryshme pritet të marrin pjesë në funeralin e viktimave të identifikuara rishtazi, që do të varrosen më 11 korrik, ditën e përvjetorit.

Pas funeralit të këtij viti, numri i kufomave në varrezat në Potocari do të shkojë në 6.721. Mbi 8.300 njerëz ishin vrarë nga forcat serbe në Srebrenicë të Bosnjës nga 11 deri më 22 korrik 1995.