Izraeli thotë se sulmet e Hezbollahut nuk dëmtuan bazat ushtarake
Një zëdhënës i Forcave të Mbrojtjes të Izraelit mohoi se sulmet e nisura nga Hezbollahu kundër vendit gjatë natës kanë dëmtuar bazat ushtarake izraelite, raporton CNN.
“Në kundërshtim me pretendimet e Hezbollahut, nuk pati dëmtime në bazat e IDF-së, as në veri dhe as në qendër”, tha Daniel Hagari.
Udhëheqësi i Hezbollahut, Hassan Nasrallah, tha më herët sot se sulmet e milicisë kishin shënjestruar kryesisht bazën ushtarake Glilot të Izraelit dhe aeroportin Ein Shemer.
Hagari tha se shumica e raketave dhe dronëve të Hezbollahut u përceptuan ose ranë në zona të hapura.
Nasrallah ka thënë se grupi militant islamik do të vlerësojë dëmin që shkaktoi në asetet izraelite përpara se të përcaktojë nëse Hezbollahu do të nisë sulme të mëtejshme si hakmarrje për vrasjen e zyrtarit të tij më të lartë ushtarak muajin e kaluar.
