Ish-presidentët e Shqipërisë vizitë në Hagë, ata të Kosovës nuk e pranuan ftesën
Ish-presidentët e Shqipërisë javën e ardhshme do të qëndrojnë në Hagë, për vizitë te ish-krerët e UÇK-së.
Kjo është bërë nën organizimin e kryetarit të AKR-së, Behxhet Pacolli. Lajmin e ka bërë të ditur këshilltari i Pacollit, Jetlir Zyberaj.
Për dallim nga presidentët e Shqipërisë, ata të Kosovës nuk e pranuan ftesën.
POSTIMI I ZYBERAJT:
Me iniciativën e ish presidentit të Republikës së Kosovës Behgjet Pacolli javën e ardhshme ish-presidentët dhe kryeministrat e Shqipërisë, bashkë me z.Pacolli do të vizitojnë liderët e Ushtrisë Çlirimtare të Kosovës në Hagë.
Ftesa u ishte bërë edhe ish-presidentëve të Kosovës, të cilët për arsye të panjohura nuk e kanë konfirmuar vizitën e tyre.
Ish presidentja Jahjaga ka injoruar totalisht secilen thirrje telefonike qoftë edhe thirrjen nepërmjet letrës.
Qëllimi i kësaj vizite është solidarizimi me krerët e UÇK-së që janë të paraburgosur në Hagë dhe mbështetja e kauzës dhe luftës së drejtë të Kosovës për liri dhe pavarësi kundër Serbisë në vitet e 90-ta.
Ka momente kur polarizimi nuk i ndihmon interesit kombëtar të vendit dhe ky është një prej tyre, por uniteti është përgjigja ndaj agresionit të Serbisë kundër historisë, të tashmes dhe të ardhmes së Kosovës.
