Ish-kryeministri pakistanez, Imran Khan, dënohet me 10 vite burgim për zbulim të sekreteve shtetërore
Një gjykatë në Pakistan të martën e dënoi ish-kryeministrin Imran Khan me 10 vite burgim për zbulim të sekreteve shtetërore, tha ekipi medial i tij.
Rasti ka të bëjë me akuzat se Khani kishte ndarë përmbajtje të një kablloje sekrete të dërguar nga ambasadori i Pakistanit në Uashington te qeveria në Islamabad, raporton agjencia “Reuters”.
Partia e Khanit, PTI, tha se edhe ai, edhe ish-ministri i Jashtëm, Shah Mehmood Qureshi, ishin dënuar me nga dhjetë vite burgim secili nga një gjykatë e posaçme.
Në reagim thuhet se partia do ta sfidojë vendimin dhe e quajti rast të montuar.
