Infantino takohet me kryetarin e Prishtinës dhe ministrin e Sportit
Gjatë qëndrimit në Kosovë, presidenti i FIFA-s, Gianni Infantino, ka vazhduar me takime.
Ai është pritur nga kryetari i Prishtinës, Përparim Rama dhe ministri i Kulturës, Rinisë dhe Sportit, Hajrullah Çeku.
Lajmin e ka bërë të ditur Federata e Futbollit të Kosovës nëpërmjet rrjeteve sociale.
NJOFTIMI:
Presidenti i FIFA-s, Gianni Infantino ka vazhduar takimet zyrtare gjatë vizitës së tij të parë në vendin tonë. Pas takimeve me presidentin Agim Ademi dhe KE të FFK-së, si dhe me presidenten e vendit Vjosa Osmani dhe kryeministrin Albin Kurti, kreu i FIFA-s është pritur edhe nga ministri i Sportit, Hajrulla Çeku si dhe i pari i kryeqytetit, Përparim Rama. Ky i fundit ia ka dorëzuar presidentit Infantino “Çelësin e Kryeqytetit”.
