India e konfirmon sërish se s'ka ndryshuar mendje për pavarësinë e Kosovës
Ministria e Punëve të Jashtme të Indisë ka përsëritur se shteti i tyre nuk do ta njohë pavarësinë e e Kosovës.
Përmes një postimi në Twitter, “All India Radio News” njofton se zëdhënësi i MPJ-së së Indisë, Arindam Bagchi, ka thënë se pozicioni i shtetit të tyre për pavarësinë e Republikës së Kosovës është i njohur dhe nuk ka ndryshuar.
“Ministria e Punëve të Jashtme ka thënë se pozicioni i Indisë për pavarësinë e Republikës së Kosovës është i njohur dhe që s’ka asnjë ndryshim në lidhjet me këtë”, raporton All India Radio News në Twitter.
External Affairs Ministry reiterates 🇮🇳India's position on #Kosovo is well known and there is no change in it. @MEAIndia spokesperson Arindam Bagchi says this in response to media queries regarding reports on the opening of India-Kosovo Commercial Economic Office in New Delhi.
— All India Radio News (@airnewsalerts) November 25, 2022
Një muaj më parë, në kryeqytetin e Indisë New Delhi, është hapur Zyra Ekonomike Tregtare, Indi-Kosovë IKCEO. Për këtë kishte njoftuar Ambasada e Kosovës në Bangladesh, konkretisht ambasadori, Gyner Ureja.
