I zhduket vajza pesë herë, nëna nga Vitia: Vajzën ma kanë droguar

A.I. nga qyteti i Vitisë tash e gjashtë ditë është larguar nga shtëpia e saj. Familjarët e 12-vjeçares ende nuk kanë ndonjë informacion për vendndodhjen e të bijës.

Nëna e A.I. tha se vajza është larguar nga shtëpia për të pestën herë dhe që gjatë bisedës me të bijën ajo i kishte thënë se disa persona vajzën ia kanë droguar.

Andaj 6 muaj më parë për këtë rast sipas policisë dy persona kanë qëndruar në paraburgim pasi të njëjtit dyshohet të kenë pasur kontakt me të miturën dhe që të njëjtit janë në procedurë gjyqësore. Nga gjykata e kishin të pamundur të sqarohen në ditë vikendi, derisa nuk dihet nëse largimi i tanishëm i miturës lidhet me personat në hetim, transmeton klankosova.

Ndërsa të premten familjarëve iu erdhi një mesazh nga numri i bijës duke ju thënë se ajo gjendet në spital.