Hykmete Bajrami: Qeveria Kurti në vitin 2023 shpenzoi 3.2 milionë euro në dreka zyrtare

Deputetja e LDK-së, Hykmete Bajrami, ka thënë se qeveria e Kosovës vetëm në vitin 2023 ka shpenzuar 3.2 milionë euro në dreka zyrtare.

Sipas saj, kjo bëhet e ditur në raportin vjetor financiar të Ministrisë së Financave.

Postimi:

3.2 milionë euro dreka zyrtare [2023]

Sipas raportit finaciar të Ministrisë së Financave, Qeveria Kurti gjatë vitit 2023 ka shpenzuar:

3.2 milionë euro për dreka zyrtare. Kjo do të thotë se qeveritarët tanë së bashku kanë shpenzuar mesatarisht 8800 euro në ditë për ushqim dhe pije.

3.1 milionë euro për mobilie për zyre.

139 mijë euro për blerje të telefonave.

Përpos këtyre milionëve të shpenzuar për lluks, tenderët njëburimor janë korrupsioni më i madh në Qeverinë Kurti. Janë 240 milionë euro në tenderët e Qeverisë me nogociim të drejtpërdrejtë.

Andaj përpos para drejtësisë, partia në pushtet duhet të japë llogari edhe para qytetarëve që po i varfëron çdo ditë.

A ju kujtohet qysh mashtronin kur ishin në opozitë, thoshin: ''nuk hipim ne në xhipa me xhama të zi'', shihni si kanë ndyshuar, metamorfozë e plotë.