Hoti: Nga 1 shtatori inspektime digjitale të vendpunishteve dhe mbikëqyrje me dronë

Ministri në detyrë i Punës, Andin Hoti, ka njoftuar se nga 1 shtatori Inspektorati Qendror i Punës do të kalojë plotësisht në inspektime digjitale.

Sipas tij, sistemi i ri do të mundësojë dokumentim në kohë reale, më shumë transparencë, llogaridhënie dhe monitorim më efikas në terren.

Hoti bëri të ditur se do të nisë edhe përdorimi i dronëve për inspektimin e kantiereve dhe vendeve të punës me rrezik të shtuar.

Ai shtoi se do të forcohet edhe koordinimi ndërinstitucional për shkëmbim më të shpejtë të informacionit dhe mbikëqyrje më parandaluese.