Hill ia bën të qartë Serbisë: S’besoj që Putinit i intereson për Kosovën, dëshiron të legjitimojë atë ia bëri Ukrainës
Ambasadori amerikan, Christopher Hill ka thënë se situata mes Kosovës dhe Ukrainës nuk mund të krahasohet.
Hill në televizionin Nova S u pyet se pse Ukrainës nuk po i kërkohet që t’i dorëzojë territoret e saj, kur Serbisë iu kërkua që të dorëzohet për Kosovën.
“Ne nuk konsiderojmë që situata në Kosovë, e cila ndodhi para 23 vitesh, është e ngjajshme në ndonjë mënyrë me agresionin e armatosur dhe invazionin rus, sulmin në ndërtesat ku qytetarët banojnë, ne nuk shohim ndonjë lidhje mes këtyre dy situatave”, tha ambasadori amerikan.
Ai mes tjerash, ka folur edhe për pozicionin e Putinit, i cili në shumë paraqitje të tij e përmend Kosovën.
“Nuk mendoj që atij i intereson për Kosovën, thjesht po mundohet që disi të legjitimojë atë që ia bëri fqinjëve të tij”, ka thënë ambasadori Hill.
