Hidhet poshtë raportimi, Shërbimi Korrektues: Nuk është sulmuar Ekrem Rexhepi

Pak më parë në media u raportua se i dyshuari për dhunimin e 11 vjeçares, Ekremi Rexhepi është sulmuar fizikisht nga të burgosurit.

Nacionale ka kontaktuar me zëdhënësin e Shërbimit Korrektues, Florent Gashi, i cili ka hedhur poshtë këto raportime.

Ai tha se nuk është sulmuar i dyshuari. Por se është dërguar në Burgun e Sigurisë së lartë, për çështje të sigurisë së tij, për të parandaluar ndonjë sulm të mundshëm.

"Nuk është sulmuar. Është dërguar në Burgun e Sigurisë së Lartë për çështje të sigurisë së tij, për të parandaluar ndonjë sulm të mundshëm për shkak të veprës për të cilën dyshohet", tha Gashi për Nacionalen.