Haziri: Qeveria me ndërkombëtarët ka raport mosbesimi
Nënkryetari i Lidhjes Demokratike të Kosovës, Lutfi Haziri ka thënë se ndërkombëtarët nuk po u besojnë liderëve të Kosovës.
Në “Blic Interview”, ai citohet të ketë thënë se raporti i qeverisë me ndërkombëtarët, është “raport mosbesimi”.
Sipas tij, ky është raport i kushtëzuar dhe kërkohen veprime.
“Raporti i qeverisë tani me ndërkombëtarët është raport mosbesimi, i kushtëzuar dhe kërkohen veprime. Nuk besohet më në qëndrime politike, deklarative që themi ne, nuk besohet më në zotime me shkrim, bardh e zi, nënshkruajnë tri autoritetet kryesore, ‘Trojka e Kosovës; që e kanë shumicën parlamentare që udhëheqin me Kosovën, që nuk po qeverisin fatkeqësisht por po administrojnë, por ky është problem i brendshëm.” - ka shtuar Haziri.
