Hargreaves flet për ‘pluralizëm’ politik mes serbëve: Lista Serbe legjitime, por e rëndësishme të ketë më shumë mundësi zgjedhjeje

Ambasadori i Mbretërisë së Bashkuar në Kosovës, Jonathan Hargreaves është pyetur nga media serbe “Radio Gorazdevac” se si e sheh çështjen e përfaqësimit të serbëve në Kosovë – çështje kjo e monopolizuar nga Lista Serbe, që fiton mbi 90% të votave.

“Lista Serbe është një parti legjitime në sistemin politik të Kosovës. Ata janë në parlament dhe janë pjesë e procesit politik. Nuk është puna ime të them se sa mirë i përfaqësojnë të gjithë serbët e Kosovës — komuniteti duhet të vendosë për këtë në zgjedhje”, tha ambasadori Hargreaves.

“Është shumë e rëndësishme që njerëzit të kenë mundësi zgjedhjeje — është e shëndetshme për demokracinë”, shtoi ai.