Haradinaj shprehet i tronditur nga shpërthimi në Stamboll: Bota duhet të jetë bashkë

Kryetari i AAK-së, Ramush Haradinaj, është shprehur i tronditur nga shpërthimi i sotëm në Stamboll.

Haradinaj ka shkruar se bota duhet të jetë bashkë, kundër dhunës e terrorit. Nga shpërthimi në Stamboll, deri më tash janë konfirmuar gjashtë persona të vdekur.

POSTIMI:

I tronditur nga shpërthimi i sotëm në Stamboll.

Aktet e tilla qyqare, na kujtojnë edhe njëherë që bota duhet të jetë bashkë, e demokratizuar dhe e zëshme kundër dhunës dhe terrorit.

Lutemi për viktimat, të lënduarit dhe familjet e tyre. Qëndrojmë pranë Turqisë në këtë ditë të kobshme.