Haradinaj mbështet protestën e studentëve shqiptarë në Maqedoninë e Veriut
Kreu i Aleancës për Ardhmërinë e Kosovës, Ramush Haradinaj, ka shprehur mbështetje për protestën e studentëve shqiptarë në Maqedoninë e Veriut, duke e cilësuar atë si një “thirrje të fortë ndërgjegjeje” ndaj, siç ka thënë ai, ndërhyrjeve në politika që nuk u takojnë dhe që përçajnë faktorin shqiptar.
Përmes një postimi në Facebook, Haradinaj ka shkruar se e drejta për gjuhën shqipe është themelore dhe e garantuar me kushtetutë, duke shtuar se ajo nuk duhet të cenohet nga askush. Sipas tij, çdo përpjekje për ta prekur këtë të drejtë përbën shkelje flagrante të të drejtave.
