Hamza pret ambasadorin gjerman, i ndan “shqetësimin për precedentin” që krijoi VV-ja për refuzim të Aktgjykimit të GjK-së

Kryetari i PDK-së, Bedri Hamza, priti ambasadorin gjerman Rainer Rudolph, me të cilin diskutoi krizën politike dhe institucionale në Kosovë.

Hamza theksoi nevojën për konstituimin e Kuvendit, respektimin e Kushtetutës, sundimin e ligjit dhe avancimin e proceseve integruese.

Ai tha se askush nuk mund ta vendosë vullnetin politik mbi Kushtetutën dhe kritikoi refuzimin për zbatimin e vendimeve kushtetuese.

Hamza rikonfirmoi se PDK-ja do të përdorë të gjitha mjetet demokratike për mbrojtjen e institucioneve, demokracisë dhe interesit të qytetarëve.