Frikë se deri në 60 emigrantë mund të jenë mbytur në Mesdhe, ishin nisur nga Libia
Ekziston frika se deri në 60 persona mund të jenë mbytur në ujë pas përmbysjes së një barke me emigrant në Mesdhe, që ishte nisur nga Libia, tha të enjten një grup bamirës i shpëtimit.
Grupi “SOS Mediterranee” tha se shpëtoi 25 persona në gjendje “shumë të dobët” në bashkërendim me rojën bregdetare italiane të mërkurën dhe se dy persona pa vetëdije u dërguan me helikopter në Sicili, raporton agjencia “Reuters”.
“Të mbijetuarit u nisën nga Zawyia, Libi, shtatë ditë para se të shpëtoheshin” – shkroi në rrjetin X grupi “SOS Mediterranee”.
After yesterday’s rescue of 25 people in very weak health condition, a medical evacuation took place in cooperation with the Italian Coast Guards. Two unconscious people our teams weren’t able to rouse were flown to Sicily by helicopter. (1/2) pic.twitter.com/zmBPBSyilN
— SOS MEDITERRANEE (@SOSMedIntl) March 14, 2024
“Motori i [anijes së] tyre u prish pas tri ditëve, duke e lënë barkën e tyre të humbur në lundrim të lirë, pa ujë dhe ushqim me ditë. Të mbijetuarit raportojnë se të paktën 60 njerëz vdiqën gjatë rrugës, përfshirë gra e të paktën një fëmijë” – thuhet më tej.
Roja bregdetare italiane nuk pati koment të menjëhershëm për këtë rast.
