"Europa 'duhet dhe mund të bëjë më shumë' në ofrimin e ndihmës ushtarake për Ukrainën"
Europa "duhet dhe mund të bëjë më shumë" në ofrimin e ndihmës ushtarake për Ukrainën, tha presidentja e Parlamentit të BE-së
Presidentja e Parlamentit Evropian Roberta Metsola i tha CNN të hënën se BE-ja duhet të bëjë më shumë për të ndihmuar Ukrainën në dritën e përshkallëzimit të Rusisë, duke ofruar më shumë pajisje ushtarake.
"Unë mendoj se të gjitha vendet mund dhe duhet të bëjnë më shumë," tha Metsola. “Ajo që kemi parë sot tregon se Rusia do të vazhdojë të përshkallëzohet më tej… Si do të përgjigjemi? Nëse përgjigja jonë nuk është në proporcion me përshkallëzimin, atëherë ne do të vazhdojmë ta shohim atë duke vrarë më shumë njerëz.”
Metsola tha se sanksionet nga Bashkimi Evropian ishin "qartësisht të pamjaftueshme" dhe ajo u bëri thirrje të gjitha vendeve anëtare të bashkohen dhe të ofrojnë më shumë armatime, veçanërisht tanke, të cilat ukrainasit kanë kërkuar.
“Ukraina po i kërkon dhe Bashkimi Evropian ka mundësinë për të koordinuar atë që i jep Ukrainës. Unë e di që përfaqësuesit e lartë punojnë shumë për këtë. Ne mund të bëjmë më shumë”, tha ajo.
