Është natë në Kiev. Ja çfarë duhet të dini
Rusia nisi sulmet me raketa në disa rajone të Ukrainës të martën, në ditën e dytë të bombardimeve të forta që synonin infrastrukturën e vendit.
Presidenti ukrainas Volodymyr Zelensky u kërkoi vendeve të G7 që të ndihmojnë vendin e tij të krijojë një "mburojë ajrore" kundër sulmeve ajrore.
Rusia kreu mbi 30 sulme raketore të martën, krahasuar me 84 të hënën. Rreth gjysma e atyre të martën u neutralizuan nga mbrojtja ajrore, sipas ushtrisë së Ukrainës.
Është e paqartë se sa gjatë ushtria ruse do të jetë në gjendje të përballojë sulme të tilla.
Këtu janë zhvillimet më të fundit sipas CNN:
Rusia konfirmon se po synon objektet energjetike të Ukrainës: Rusia po synon objektet ushtarake dhe energjetike të Ukrainës në sulmet të martën, sipas Ministrisë së Mbrojtjes në Moskë.
Ministri i Energjisë thotë se rreth 30% e infrastrukturës energjetike të Ukrainës është goditur që nga e hëna: Rreth 30% e infrastrukturës energjetike në Ukrainë është goditur nga raketat ruse që nga e hëna, tha të martën ministri i energjisë i Ukrainës, Herman Halushchenko. Ministri i tha CNN se kjo ishte “hera e parë që nga fillimi i luftës” që Rusia ka “shënjestruar në mënyrë dramatike” infrastrukturën energjetike.
Udhëheqësit e G7 zotohen ta mbajnë përgjegjës Putinin për sulmet e fundit: Krerët e qeverive të G7 u zotuan të kërkojnë llogari nga presidenti Vladimir Putin për valën e fundit të sulmeve në Ukrainë. Pas një takimi virtual të martën, ata u zotuan të mbështesin Ukrainën për "për aq kohë sa duhet", ndërsa premtoi se do të vazhdojë të ofrojë mbështetje financiare, humanitare, ushtarake, diplomatike dhe ligjore.
Rusia e shpall Metën organizatë terroriste: Shërbimi Federal i Monitorimit Financiar Rus ka shtuar kompaninë amerikane të teknologjisë, Meta, në regjistrin e saj të organizatave të përfshira në terrorizëm dhe ekstremizëm. Kompania "Meta" e Facebook dhe Instagram është ndaluar në Rusi, thotë Rosfinmonitoring. Ky ndalim tani kërkon që bankat të ngrijnë fondet për kompanitë në atë listë dhe të pezullojnë shërbimet në llogaritë e tyre.
