Erëra të fuqishme, kryhen 17 intervenime në Prishtinë e Fushë-Kosovë
Për shkak të erërave të forta në vend, janë kryer gjithsej 17 intervenime në Prishtinë dhe Fushë-Kosovë.
Në një njoftim nga Komuna e Prishtinës, thuhet se janë larguar kulmet, janë prerë drunj dhe janë trajtuar rasteve të zjarreve.
“Si pasojë e erërave të forta dhe incidenteve të paraqitura gjatë ditës së sotme, Brigada Profesionale e Zjarrfikësve, ekipet e Drejtorisë për Siguri dhe Emergjenca, Ndërmarrja Publike “Gjelbër” dhe Drejtoria e Policisë së Kryeqytetit kanë realizuar gjithsej 17 intervenime në territorin e Kryeqytetit dhe Fushë Kosovës, kryesisht në largimin e kulmeve, llamarinave, reklamave, tjegullave, prerje të drunjve si dhe trajtimin e rasteve të zjarreve.
Rastet e intervenimit:
Dardani – largim i llamarinës
Rr. “Aziz Abrashi” – largim i reklamës
Te Trafiku Urban – prerje e plepit
Rr. “Mark Isaku” – largim i llamarinës
Rr. “Muharrem Fejza” – largim i llamarinës
Te ish-Kino ABC – largim i tjegullave
Te Bosna, Kurriz – largim i llamarinës
Fshati Hajvali – intervenim në tela të rrymës
Fsharu Sinidoll – zjarr në bari të thatë
Bregu i Diellit – largim i ulluqeve
Dardani, Banesa Sociale – largim kulmi
Rr. “Eqrem Çabej” – largim llamarine
Fushë Kosovë, rr. “Besa Besë” – largim kulmi
Rr. “Shaqir Igrishta” – largim dritareje
Fshati Hajvali – tym në shtëpi
Fshati Teneshdoll – zjarr në ushqim bagëtish
Fshati Mramor – zjarr malor”.
Komuna ka bërë me dije se aktualisht, dy intervenime vazhdojnë të jenë active dhe ekipet emergjende ndodhen në terren.
