Edhe Britania e Madhe sanksionon Iranin për shkak të dronëve në Ukrainë
Sipas një deklarate të dhënë nga zyra e jashtme, edhe Mbretëria e Bashkuar ka vendosur sanksione ndaj tre individëe iranianë dhe një biznesi përgjegjës për furnizimin e Rusisë më dronë të përdorur për bombardimin e Ukrainës.
Kujtojmë se këtë javë, Rusia ka lëshuar dhjetëra dronë “kamikaze” në Ukrainë, duke goditur infrastrukturën energjetike dhe duke vrarë pesë persona në kryeqytetin ukrainas.
“Me furnizimin e këtyre dronëve, Irani po lufton në mënyrë aktive, duke përfituar nga sulmet e neveritshme të Rusisë ndaj qytetarëve ukrainas dhe duke shtuar vuajtjet e njerëzve dhe shkatërrimin e infrastrukturës kritike”, thuhet në një deklaratë të zyrës së jashtme të Britanisë.
