Edhe AAK konfirmon pjesëmarrjen në takimin me presidenten rreth datës së zgjedhjeve

Aleanca për Ardhmërinë e Kosovës ka konfirmuar pjesëmarrjen në takimin e ftuar nga preidentja e vendit, Vjosa Osmani ku do të diskutohet për datën e zgjedhjeve parlamentare.

Kjo është bërë me dije nga zëdhënësi i partisë, Kushtrim Xhemaili.

“Mund të ju konfirmoj që AAK do të marrë pjesë në takimin konsultativ të thirrur nga Presidentja për caktimin e datës së zgjedhjeve të rregullta.” – ka thënë ai për Telegrafin.

Pjesëmarrjen në takim tashmë e kanë konfirmuar edhe PDK e LDK.

Ndryshe takimi pritet të mbahet nesër në orën 14:00.