E kishin informuar nga Kosova, Gjukanoviq dëshmon në Prokurorinë Speciale malaziase rreth atentatit ndaj tij
Ish-Presidenti i Malit të Zi, Millo Gjukanoviq, është ftuar në cilësinë e dëshmitarit rreth një atentati të planifikuar ndaj jetës së tij, gjë për të cilën ishte raportuar se e ka informuar një zyrtar i huaj ushtarak në Kosovë.
“Ai ka dëshmuar si dëshmitar për temën e atentatit ndaj tij dhe gjetjet e tij ia ka paraqitur prokurorit special”, thuhet në zyrë, shkruan Vijesti.
Në gjysmën e parë të korrikut të këtij viti, Gjukanoviq njoftoi autoritetet malazeze se kishte marrë informacione se ndaj tij po përgatitej një atentat.
