Dy të plagosur dhe tre të arrestuar: Të shtëna me armë te Bregu i Diellit në Prishtinë
Në lagjen Bregu i Diellit në Prishtinë ka pasur të shtëna me armë zjarri me ç’rast dy persona janë plagosur dhe tre janë arrestuar, ka konfirmuar Zëdhënësja e Policisë për rajonin e Prishtinës, Flor Ahmeti për median “Reporteri”.
“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se me armë zjarri janë plagosur dy persona, të cilët janë dërguar për tretman mjekësor”, ka thënë ajo.
